Jón Dan - Einkavæðing Landsvirkjunar

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

nóv.

16

2011

Stjórnmál

Einkavæðing Landsvirkjunar

Ef ekki verða þeim mun meiri viðhorfsbreytingar, megum við sennilega eiga á von að hægri stjórn fari að huga að því að einkavæða Landsvirkjun eftir svo sem 10-20 ár, sem sagt á árabilinu 2020-2030. Ástæða þess að Landsvirkjun hefur ekki þegar verið einkavædd er einföld: Hún skilar ekki nægum arði til að einstaklingar sjái í henni gróðavon. En það fer að breytast.

Hugtakið auðlindarenta hefur sjálfsagt ekki einu sinni verið til þegar samið var um orkusölu til álversins í Straumsvík á 7. áratugnum, enda má lesa á heimasíðu Landsvirkjunar að Alþjóðabankinn hafi veitt lán fyrir Búrfellsvirkjun og litið á það sem þróunaraðstoð. Á þeim tíma kann að hafa þótt nægjanlegt að skapa atvinnu og dálitlar útflutningstekjur. Eftir olíukreppuna upp úr 1970 hefði þó strax átt að fást hærra verð fyrir vatnsorkuna, en af einhverjum ástæðum hefur Landsvirkjun í rauninni aldrei gert öllu betur en að halda rekstrinum réttu megin við núllið.

Þótt forstjóri Landsvirkjunar sé hógvær maður og gætinn í orðavali, mátti skilja á honum í Kastljósi í gærkvöldi, að unnt hefði átt að vera að ná talsvert hagstæðari samningum um raforkuna frá Kárahnjúkavirkjun. Hann sagði líka hreint út að verðlagning raforku í þeim sölusamningum sem nú eru til umræðu sé mun hærra og að Landsvirkjun eigi í ekki mjög fjarlægri framtíð að geta greitt eiganda sínum góðan arð.

Þegar kemur fram yfir 2020 má sem sagt vænta þess að Landsvirkjun verði orðin að alvöru gróðafyrirtæki. Og þá verður farið að tala um einkavæðingu.

Til baka Efst á síðu

Skrá athugasemd