Það eru margar hætturnar framundan og ljóst er að Bretar, Hollendingar og reyndar Evrópusambandið sem heild, hafa ekki komið fram af heilindum við smáríkið Ísland. Ég hef lesið nokkrar færslur undanfarna daga og það sem einkennir þær allar eru hugleiðingar greinarhöfunda um "dómsstóla" og hugsanlega aðkomu þeirra. Það er ágætis regla sem við öll þekkjum, einmitt það að þú byggir ekki hús á sandi, heldur reisir það á grunni sem er byggður niður á klöpp. Icesave samninganefndin er nú búin að skila af sér samningi sem er í raun byggður á sandi. Hann fór ekki undir þar til bæran dómstól og það verður endalaust hægt að hræra í málinu. Mér sýnist að þú hafi m.a. áhyggjur af því en þú segir m.a. "En standast þessi lög? Eða myndu dómstólar einfaldlega telja þau málamyndagerning?" Miðað við umfang og alvöru málsins er í raun ótrúlegt að almennir borgarar þurfi að vera að velta þessu fyrir sér. Samningurinn mun aldrey halda, jafnvel þó að hann muni verða samþykktur með meirihluta alþingis.Ég bendi hér enn og aftur á þá einföldu staðreynd að þessi samningsferill þarf að fara undir þar til bæran dómsstól.